جان جدي يكلي

جان جدي يكلي وكتك وكت خير
راح تعيش جنة بلونهة الوردي
وراح تصير تاجر تحجي بالاملاك
مو مثلي فقير وحضي مستردي
جاوبتة بخجل يعني اشبع من الموز
لان تفكيري جان زغير بكدي
ضحك كلي ولك ياموز يابطيخ
شوف العين اشوفك ملك من بعدي
وزرت كبرة امس وتذكريتة شكال
حجيت بصوت اه ودمعي متبدي
صرت ياجدي تاج علة راس الضيم
وجت كل المصايب لاذت بسدي
وابشرك من دعوتك صرت تاجرعوز
بعت حتة غراض البيت ياجدي